കേരളത്തിന്റെ കായികരംഗം കഴിഞ്ഞ ഒൻപതു വർഷമായി ഒരു ശാസ്ത്രീയ കാഴ്ചപ്പാടിലേക്ക് മാറുകയായിരുന്നു. 2016 ൽ കായികം, ആരോഗ്യവും, സമ്പത്തും എന്ന ലക്ഷ്യത്തോടെ ഇടതുപക്ഷ സർക്കാർ കായികരംഗത്തെ അടിസ്ഥാന സൗകര്യങ്ങൾ, താരവികസനം, പങ്കാളിത്ത സമ്പദ്വ്യവസ്ഥ എന്നീ മൂന്നു മേഖലകളിൽ വലിയൊരു ഘടനാപരമായ മാറ്റം കൊണ്ടുവന്നു. മുകള് തട്ടില് മാത്രം കേന്ദ്രീകരിച്ചുള്ളതായിരുന്നില്ല ഈ നയം. കേരളത്തിന്റെ കായികരംഗം വികസിക്കണമെങ്കില് താഴെത്തട്ടില് തന്നെ തുടങ്ങണം എന്നതായിരുന്നു സർക്കാരിന്റെ കാഴ്ചപ്പാട്. ഇതിന്റെ ഭാഗമായി എല്ലാ തലങ്ങളിലും എല്ലാ പ്രദേശത്തും കായിക സംസ്കാരം വികസിപ്പിക്കുക എന്നതായിരുന്നു ലക്ഷ്യം. ഭരണത്തുടര്ച്ച കൂടിയുണ്ടായതോടെ ഈ ലക്ഷ്യത്തിലേക്ക് കൂടുതല് അടുക്കുവാനും കഴിഞ്ഞു. ഇത്തരം നിരവധി പ്രവര്ത്തനങ്ങളാണ് നടന്നു വരുന്നത്.
2016നുശേഷം സംസ്ഥാനത്ത് 300-ലധികം കളിക്കളങ്ങൾ രൂപംകൊണ്ടു. ഇവയിൽ കിഫ്ബി ഫണ്ടിലൂടെ പണിത 50-ലേറെ നവീന സ്റ്റേഡിയങ്ങളും ഉൾപ്പെടുന്നു. ഒരു പഞ്ചായത്തിൽ ഒരു കളിക്കളം എന്ന ആശയത്തോടെ, ഗ്രാമതലത്തിലേക്ക് സ്പോർട്സിനെ എത്തിക്കുന്ന ഒരു പ്രാദേശിക വികസനം നടന്നത് കേരളത്തിൽ ആദ്യമായിരുന്നു. ഓരോ സ്റ്റേഡിയവും വെറും മത്സര വേദിക്കപ്പുറം വ്യായാമം, പരിശീലനം, സാമൂഹിക ഇടപെടൽ എന്നിവയ്ക്കുള്ള സജീവ കേന്ദ്രങ്ങളായി മാറി.
ഉദാഹരണത്തിന്, ഓപ്പൺ ജിം മാതൃകയിൽ പൊതുവ്യായാമ കേന്ദ്രങ്ങൾ സ്ഥാപിക്കൽ, 20 ഫിറ്റ്നസ് സെന്ററുകൾ വിവിധ നിയോജക മണ്ഡലങ്ങളിൽ, എല്ലാ സ്ഥാപനങ്ങൾക്കും സേവനമാകുന്ന കായിക ഭവന്റെ നിർമ്മാണം പുരോഗമിക്കുന്നു. 2 സിന്തറ്റിക് ട്രാക്ക് മാത്രമായിരുന്നു 2016 ൽ കേരളത്തിൽ ഉണ്ടായിരുന്നത്. 2025 ആകുമ്പോൾ അത് 24 ആയിരിക്കുന്നു. ഫുട്ബോൾ, വോളിബോൾ, ഷൂട്ടിങ് തുടങ്ങി എല്ലാ വിഭാഗങ്ങൾക്കും പ്രത്യേക അക്കാദമികൾ രൂപീകരിച്ചും. ജി വി രാജ സ്കൂൾ ഏറ്റെടുക്കുകയും ഉന്നത നിലവാരത്തിലേക്ക് എത്തിക്കുകയും ചെയ്തു.
ഈ സൗകര്യങ്ങൾക്കൊപ്പം ഓരോ പഞ്ചായത്തിലും സ്കൂൾ കോംപ്ലക്സ്, പഞ്ചായത്ത് സ്പോർട്സ് കൗൺസിൽ എന്നിവ കൂടി രൂപീകരിച്ച് ഗ്രാമങ്ങളിലും നഗരങ്ങളിലും സ്പോർട്സ് കൗൺസിലുകൾ സജ്ജമാക്കി കൂടുതല് ശക്തമായി മുന്നേറാനാണ് ഇടതുപക്ഷ ജനാധിപത്യ മുന്നണി പ്രകടന പത്രിക വിഭാവനം ചെയ്യുന്നത്.
കായികരംഗത്തിന്റെ സ്ഥിരതയാർന്ന പരിപാലനത്തിനായി എൽഡിഎഫ് സർക്കാർ സ്പോർട്സ് കേരള ഫൗണ്ടേഷൻ എന്ന സ്വതന്ത്ര സ്ഥാപനത്തിന്റെ രൂപീകരണം നടപ്പാക്കി. സ്റ്റേഡിയങ്ങളുടെ കാര്യക്ഷമമായ പ്രവർത്തനം, പരിശീലനമേഖല, ഉയർന്ന നിലവാരം എന്നിവ ഉറപ്പാക്കാൻ 29 കി-ഫ്ബി പദ്ധതികൾ SKF-ന് കൈമാറി. പരമ്പരാഗത വിഭാഗ-ാധിഷ്ഠിത പരിപാലനത്തെക്കാൾ പ്രൊഫഷണൽ മാനേജ്മെന്റ് എന്നൊരു പുതിയ മാതൃക കൊണ്ടുവന്നത് വിജയകരമായി മുന്നേറുന്നു. Sports Kerala Foundation (SKF) ഉം തദ്ദേശ സ്വയംഭരണ സ്ഥാപനങ്ങളും ഒത്തുചേര്ന്നുള്ള സ്പോര്ട്സ് സൗകര്യ വികസനം സാധ്യമാക്കാനാകുമെന്നതാണ് അനുഭവം. ഇവയും തദ്ദേശ രംഗത്ത് വലിയ മാറ്റമാണ് സൃഷ്ടിക്കുക.
കേരളത്തിന്റെ കായിക ചരിത്രത്തിലാദ്യമായി സമഗ്രമായ സ്പോർട്സ് നയം രൂപീകരിച്ചതും ഈ സർക്കാരാണ്. ഈ നയത്തിന്റെ രണ്ട് പ്രധാന ലക്ഷ്യങ്ങൾ, ശാസ്ത്രീയ പരിശീലനത്തിലൂടെ കായിക താരങ്ങളെ ഉയർത്തുക, കായിക സമ്പദ്ഘടന സൃഷ്ടിക്കുക തുടങ്ങിയവയാണ്. അവയും തദ്ദേശ തലത്തിലെ ഇടപെടലുകളും ഒന്നിച്ചുചേരുമ്പോള് കേരളത്തിന്റെ കായിക രംഗം കൂടുതല് ശക്തമാകും.
കേരളം കായികത്തെ വെറും ‘കളിയായി’ മാത്രമല്ല, മറിച്ച് ‘ഉൽപ്പാദിപ്പിക്കുന്നതിലേക്കാണ്’ നീങ്ങിയിരിക്കുന്നത്. ക്രിക്കറ്റ്, ഫുട്ബോൾ തുടങ്ങിയ ലീഗ് മത്സരങ്ങൾ സ്വകാര്യ പങ്കാളിത്തം ആകർഷിച്ച് കായിക സമ്പദ്വ്യവസ്ഥയുടെ പുതിയ വാതിൽ തുറന്നു. താരങ്ങൾക്കും പരിശീലകർക്കും വർഷാ വർഷം വരുമാനവും പ്രോത്സാഹനവും നൽകുന്ന വേദികൾ സൃഷ്ടിക്കപ്പെട്ടു. ഇവയെല്ലാം കായിക രംഗത്തേക്ക് ഒട്ടേറെ ചെറുപ്പക്കാരെ ആകര്ഷിക്കുകയാണ്. ഗ്രാമങ്ങളിലും മറ്റുമുള്ള പലപ്പോഴും പിന്തള്ളപ്പെട്ടു പോകുമായിരുന്ന നിരവധി പേരാണ് ഇതിലൂടെ മുൻനിരയിലേക്ക് എത്തി ച്ചേര്ന്നത്. കേരളോത്സവം കൃത്യമായി സംഘടിപ്പിക്കുന്നതിലൂടെ തദ്ദേശ കായിക താരങ്ങളെ കണ്ടെത്തുന്ന വേദി കൂടിയായി തദ്ദേശ സ്വയംഭരണ സ്ഥാപനങ്ങള്. മാറിവരും വര്ഷങ്ങൾ കഴിയുന്നതോടുകൂടി ഇത് കൂടുതല് മെച്ചപ്പെട്ടു മുന്നേറും.
Healthy Kids എന്ന പദ്ധതിയിലൂടെ ലോവർ പ്രൈമറി മുതൽ തന്നെ കുട്ടികളെ കായികക്ഷമതയുള്ളവരാക്കുക എന്നതാണ് ലക്ഷ്യം. ഈ സംസ്കാരം ഒരു സ്കൂൾ — ഒരു കളി മാതൃക സാധ്യമാകുന്നു. വിദ്യാഭ്യാസ സംവിധാനത്തിനുള്ളിലേക്ക് തെരഞ്ഞെടുക്കപ്പെട്ട സ്കൂളുകൾക്ക് സ്പോർട്സ് ഉപകരണങ്ങൾ,വിദഗ്ദ്ധ പരിശീലനങ്ങൾ എന്നിവ ലഭ്യമാക്കുന്നു. നിർണ്ണായകമായ Early Sporting Talent Identification സാദ്ധ്യമാക്കി. വരുംവര്ഷങ്ങളില് ഇത് കൂടുതല് മെച്ചപ്പെടുത്തുമ്പോള് തദ്ദേശ സ്വയംഭരണ സ്ഥാപനങ്ങളുടെ ഇടപെടലുകള് നിര്ണ്ണായകമാകും.
സംസ്ഥാന കായികനയം വഴിയുള്ള എൽഡിഎഫ് സർക്കാരിന്റെ ഇടപെടലുകളെ ഇതുമായി ചേര്ത്തു വായിക്കണം. ഭിന്നശേഷിക്കാർക്കുള്ള കായിക അവസരങ്ങളെ പരിപോഷിപ്പിക്കുവാനും സംസ്ഥാന സർക്കാർ ലക്ഷ്യമിടുന്നു. വിശേഷ പരിശീലനം, സൗകര്യങ്ങൾ, മത്സര പ്ലാറ്റ്ഫോം എന്നിവയിലൂടെ കായിക ജനാധിപത്യം ഉറപ്പാക്കാൻ എടുത്ത ശക്തമായ ഒരു നീക്കം കൂടിയാണിത്. ഇനിയുള്ള വര്ഷങ്ങളില് ഏറ്റവും താഴെ തട്ടില് മുതല് ഈ പ്രവര്ത്തനങ്ങള് ശക്തിപ്പെടുത്തും.
ഉന്നത നിലവാരത്തിലുള്ള താരങ്ങൾക്ക് വിദേശ പരിശീലന അവസരങ്ങൾ നൽകുന്ന മാതൃക ഈ സർക്കാരിന്റെ മറ്റൊരു പുതുമയാണ്. സിന്തറ്റിക് ട്രാക്ക് പ്രവർത്തനങ്ങളുടെ എണ്ണം 2016ലെ 2 ൽ നിന്ന് 2025ൽ 24 ആയി ഉയർന്നത് കായിക അടിസ്ഥാനസൗകര്യങ്ങളുടെ ഗുണനിലവാരം മെച്ചപ്പെടുത്തുന്നതിൽ എൽഡിഎഫ് സർക്കാർ പുലർത്തുന്ന ജാഗ്രത വ്യക്തമാക്കുന്നുണ്ട്.
കായിക നേട്ടങ്ങൾക്ക് അംഗീകാരം നൽകുന്ന sports quota നിയമനങ്ങളിൽ സംസ്ഥാനത്ത് 9 വർഷത്തിനുള്ളിൽ 960-ഓളം കായികതാരങ്ങൾക്ക് സർക്കാർ നിയമനം നൽകി. ഇത് സ്പോർട്സിനെ ഒരു സാമൂഹിക മുന്നേറ്റ മാർഗമായി കാണുന്ന കേരള മാതൃകയുടെ തെളിവാണ്. താഴെത്തട്ടിലെ പ്രവര്ത്തനങ്ങള്ക്ക് പ്രചോദനം നല്കുന്നതാണ് ഈ നടപടി.
സ്പോർട്സിനെ മയക്കുമരുന്നിനെതിരെയുള്ള സാമൂഹിക പ്രതിരോധ ആയുധം എന്ന നിലയിൽ സർക്കാർ മുന്നോട്ടുവെച്ചു. യുവജന പരിപാടികൾ, ബോധവത്കരണ കാമ്പയിനുകൾ, സ്കൂളുകൾ-, ക്ലബ്ബുകൾ-, പഞ്ചായത്തുകൾ എന്നിവിടങ്ങളിലെ പേജ് പിൻകളിക്കളങ്ങൾ ഈ ദൗത്യത്തെ ശക്തമാക്കി. കഴിഞ്ഞ ഒൻപതര വർഷം കേരളത്തിന്റെ കായികരംഗത്ത് യുക്തിപരമായ, സാംസ്കാരികമായ കായിക പുനരുത്ഥാനമുണ്ടായ കാലയളവായിരുന്നു. തദ്ദേശതലത്തിൽ നിന്ന് അന്തർദേശീയ വേദി വരെ വ്യാപിക്കുന്ന ഈ ബഹുതല സമീപനം, മുന്നോട്ടുള്ള കായികസംസ്കാരത്തിന് അടിസ്ഥാനസൗകര്യവും ഭരണരംഗവും, സാമ്പത്തികവും വിദ്യാഭ്യാസ അടിത്തറയും ഒരുമിച്ചൊരുക്കി. കേരളം കേവലം കായിക മത്സരങ്ങൾ നടത്തുന്ന ഒരു സംസ്ഥാനം മാത്രമല്ല; മറിച്ച്, കായികം ഉൽപ്പാദിപ്പിക്കുന്ന, സംരക്ഷിക്കുന്ന, കായിക സമ്പദ്ഘടന സൃഷ്ടിക്കുന്ന ഒരു കായിക വികസിത സംസ്ഥാനം കൂടിയാണ്. അതിനുള്ള മുന്നിര പ്രവര്ത്തകരായി തദ്ദേശ സ്വയംഭരണ സ്ഥാപനങ്ങളെ മാറ്റുമെന്ന ഉറപ്പാണ് എൽഡിഎഫ് പ്രകടനപത്രികയിൽ നൽകുന്നത്. l
