പ്രളയകാലത്ത് ദുരിതക്കയത്തിൽ മുങ്ങി ജനം നിഷ്ക്രിയമായി സർക്കാർ

അതിതീവ്ര മഴയുണ്ടാകുമെന്നും അത് പ്രളയത്തിന് കാരണമായേക്കുമെന്നുമുള്ള കേന്ദ്ര കാലാവസ്ഥാ വകുപ്പിന്റെ മുന്നറിയിപ്പുണ്ടായിട്ടും മന്ത്രിമാരുടെ പിടിപ്പുകേടും നേതൃരാഹിത്യവും സർക്കാർ സംവിധാനത്തെ ചലിപ്പിക്കാതെ നിഷ്-ക്രിയമാക്കിയതിന്റെ ദുരന്തം അനുഭവിച്ചത് ജനങ്ങളാണ്.
ജൂലെെ 31ന് കേന്ദ്ര കാലാവസ്ഥാ വകുപ്പ് ‘‘അടുത്ത രണ്ട് ദിവസങ്ങളിൽ തീവ്രമോ അതിതീവ്രമോ ആയ മഴയ്ക്ക് സാധ്യതയുണ്ട്’’ എന്ന മുന്നറിയിപ്പു നൽകിയിരുന്നു. എന്നിട്ടും മണിക്കൂറുകളുണ്ടായിട്ടും മന്ത്രിമാരോ സർക്കാർ സംവിധാനങ്ങളോ അനങ്ങിയില്ല. മുൻ അനുഭവങ്ങളൊന്നുമില്ലാതിരുന്നിട്ടും 2018ലെ മഹാപ്രളയകാലത്ത് എൽഡിഎഫ് സർക്കാർ പ്രവർത്തിച്ച മാതൃക മുന്നിലുണ്ടായിട്ടും 2019 മുതൽ പിന്തുടർന്നുവന്ന നടപടിക്രമങ്ങൾ പാലിക്കാൻ യുഡിഎഫ് സർക്കാർ തയ്യാറാകാതെ ജനങ്ങളെ ദുരിതക്കയത്തിലേക്ക് തള്ളിവിട്ടു. സർക്കാരിന്റെ പിടിപ്പുകേടും അനാസ്ഥയും മൂലം ദുരിതാശ്വാസക്യാമ്പുകളാകട്ടെ വെള്ളവും വെളിച്ചവും ശുചിമുറികളും എന്തിന് ഭക്ഷണംപോലും കിട്ടാത്ത മഹാദുരിതങ്ങളുടെ കേന്ദ്രമായി മാറി.
പ്രളയം ദുരന്തം വിതച്ച് 4–ാം നാൾ മാത്രമാണ് മുഖ്യമന്ത്രി വാർത്താസമ്മേളനംപോലും നടത്തിയത്. കേന്ദ്ര കാലാവസഥാ വകുപ്പിന്റെ മഴ മുന്നറിയിപ്പ് ലഭിച്ചില്ല എന്ന പച്ചക്കള്ളം പറഞ്ഞ് തടിതപ്പാനാണ് മുഖ്യമന്ത്രി ശ്രമിച്ചത്. l